I dërguari i OKB-së dhe Lidhjes Arabe për Sirinë, Lakhdar Brahimi bëri thirrje për krijimin sa më parë të qeverisë kalimtare, gjatë vizitës së tij pesë ditore në Damask.

"Zgjidhja e problemit është të afrojmë qëndrimet. Nëse ata nuk e bëjnë këtë gjë vetë, atëhere komuniteti ndërkombëtar, fqinjët dhe gjithë populli duhet të japin ndihmën e tyre", tha Brahimi.

Emisari ndërkombëtar tha se periudha e tranzicionit nuk duhet të çojë Sirinë drejt shkatërrimit.

Pas Damaskut, Brahimi do të udhëtojë drejt Moskës për të takuar përfaqësuesit rusë dhe amerikanë. Ai ka mohuar ekzistencën e një plani ruso-amerikan për zgjidhjen e krizës siriane. (Ardi Pulaj)