Zv.sekretari i përgjithshëm i OKB-së për veprimet paqeruajtëse Herve Ladsu u shpreh të mërkurën se, me përshkallëzimin e gjendjes dhe vazhdimin e konfliktit në Siri, numri i anëtarëve të misionit vëzhgues të OKB-së në Siri është pakësuar nga 300 në 150.

Ndërkohë, ministri i Jashtëm rus Sergei Lavrov u shpreh të mërkurën në një konferencë shtypi se deklaratat e palës amerikane për sulmet vetëvrasëse ndaj funksionarëve sirianë, të ndodhura pak ditë më parë, tregojnë se ShBA-ja përpiqet të mbrojë veprimet terroriste.

Lidhur me sulmin vetëvrasës të 18 korrikut në selinë e forcave siriane të sigurimit në Damask, nga i cili u vranë dhe u plagosën mjaft funksionarë të lartë sirianë, zëdhënësja e Departamentit amerikan të Shtetit Viktoria Njuland komentoi se një shpërthim i tillë nuk është aspak i çuditshëm po të kesh parasysh veprimet e qeverisë siriane.

(Çan Jean/Artani)