Kryetari i Komitetit të Asamblesë Kombëtare Popullore të Kinës, Wu Bangguo, tha të mërkurën gjatë takimit me presidentin rus Vladimir Putin se Pekini i kushton rëndësi të veçantë zhvillimit të marrëdhënieve strategjike me Rusinë.

Ai shtoi se dëshiron që së bashku me Moskën të vënë në zbatim planin dhjetë vjeçar të zhvillimit e të thellojnë në mënyrë të gjithanëshme bashkëpunimin në fusha të ndryshme.

Presidenti i Rusisë, Putin ndërkohë vlerësoi se bashkëpunimi mes parlamenteve të të dy vendeve është i kënaqshëm dhe se organet ligjvënëse kanë luajtur një rol të rëndësishëm për nxitjen e bashkëpunimit. (Du/ Ardi Pulaj)