Më 10 nëntor sipas orës vendore kryetari i shtetit i Kinës Hu Jintao u takua në Havai të ShBA-së me përfaqësues të qarqeve industriale e tregtare amerikane. Gjatë takimit Hu Jintao theksoi se thelbi i bashkëpunimit ekonomiko-tregtar midis Kinës dhe SHBA-së është leverdia e ndërsjellë dhe përfitimet e përbashkëta. Thellimi i këtij bashkëpunimi ka të bëjë jo vetëm me lumturinë e popujve të të dy vendeve, por edhe me rimëkëmbjen dhe zhvillimin e ekonomisë botërore. Z. Hu shprehu shpresën se qarqet industriale e tregtare të ShBA-së do të japin ndihmesë më të madhe për nxitjen e bashkëpunimit ekonomiko-tregtar dhe për zhvillimin e marrëdhënieve ndërmjet të dy vendeve.
Gjatë takimit Hu Jintao gjithashtu u bëri thirrje kompanive kineze dhe atyre amerikane të ngulin këmbë në zhvillimin në mënyrë të barabartë të konsultimeve, të respektojnë ligjet tregtare dhe rregullat e Organizatës Botërore të Tregtisë, të trajtojnë mirë konfliktet ekonomiko-tregtare, të mos i politizojnë problemet ekonomiko-tregtare dhe të mos ushtrojnë proteksionizëm. (Du)