Presidenti Biden dënon dhunën politike ndaj Trump (Foto ATSH)

Presidenti i SHBA Joe Biden ka dënuar dhunën politike pas një sulmi në mitingun e ish-presidentit Donald Trump, njofton ATSH. Trump u tërhoq nga skena nga agjentët e Shërbimit Sekret, pasi u dëgjuan të shtëna armësh gjatë një mitingu në Pensilvani.

Videot nga vendi i ngjarjes treguan Trump duke ngritur grushtin teksa u përcoll nga skena me një vesh të gjakosur. Biden tha se nuk kishte vend në Amerikë për dhunë politike.

“Ne nuk mund të lejojmë që kjo të ndodhë. Ne nuk mund të jemi kështu, ne nuk mund ta pranojmë këtë”, tha ai.

“Përfundimi është se tubimi i Trump është një tubim që ai duhet të ishte në gjendje të zhvillohej në mënyrë paqësore pa asnjë problem”, tha Biden.

“Por ideja, ideja se ka dhunë politike apo dhunë si kjo në Amerikë është thjesht e padëgjuar. Thjesht nuk është e përshtatshme. Të gjithë duhet ta dënojnë atë”, shtoi ai.(Fatosi)