foto nga VCG

Ministria e Menaxhimit të Emergjencave dhe dy departamente të tjera qeveritare dërguan furnizime emergjente në komunën Chongqing të Kinës jugperëndimore dhe provincën Sichuan, në mbështetje të kontrollit lokal të përmbytjeve dhe punës për ndihmë në katastrofa, shkruan “Xinhua”. 

Sipas ministrisë, rreth 13.000 artikujt e ndihmës për fatkeqësitë përfshijnë komplete emergjence, shtretër të palosshëm dhe jorganë. 

foto nga VCG

Zona të mëdha të Kinës jugore janë goditur nga reshjet e dendura në javët e fundit. Garantimi i sigurisë së rezervuarëve gjatë sezonit të përmbytjeve është i një rëndësie të madhe, bëri të ditur ministria, ndërsa u kërkoi autoriteteve lokale të kryejnë inspektime të plota për të eliminuar rreziqet e fshehura.

foto nga VCG

Shtabi Shtetëror i Kinës për Kontrollin e Përmbytjeve dhe Ndihmën ndaj Thatësirës ka mbajtur një përgjigje emergjente të nivelit III ndaj përmbytjeve në Anhui, Jiangxi dhe Hunan, dhe një përgjigje emergjente të nivelit IV ndaj përmbytjeve në Heilongjiang, Jiangsu, Hubei, Sichuan dhe Chongqing. 

Kina ka një sistem reagimi emergjent me katër nivele për kontrollin e përmbytjeve, me nivelin I që është skenari më i ashpër i reagimit. (Irma)