“Kina dhe bota: Drejt ndërtimit të Komunitet me një të ardhme të përbashkët për njerëzimin” ishte tema e konferencës ndërkombëtare të zhvilluar nga 4-5 korrik në Pekin. Me pjesëmarrjen e mbi 100 shteteve dhe organizatave ndërkombëtare, të përfaqësuara nga kryetarë shtetesh, organizata, grupe të mendimit, dhe institucionet kërkimore, si dhe studiues të njohur dhe ekspertë në fushën e shkencave humane, ekonomike, politike dhe shoqërore konferenca trajtoi tema si “Rigjallërimi i Zhvillimit Global”, “Nxitja e një Komuniteti me fate të përbashkëta, Jeta për njeriun dhe natyrën”, “Thellimi i shkëmbimeve dhe mësimit të ndërsjellë midis Qytetërimeve” dhe “Praktikimi i Multilateralizmit të Vërtetë. Pjesëmarrëse në konferencë ku ka mbajtur një kumtesë dr. Marsela Musabelliu, drejtore ekzekutive e Institutit të Studimeve të Globalizimit për Grupin Mediatik të Kinës flet më gjerësisht rreth konferencës ndërkombëtare
Dr, Marsela Musabelliu në intervistë për CMG
Konferencë ndërkombëtare për ndërtimin e komunitetit me një të ardhme të përbashkët për njerëzimin
Në 4 dhe 5 korrik u zhvillua në Pekin Konferenca Ndërkombëtare për “Kina dhe bota: Drejt ndërtimit të Komunitet me një të ardhme të përbashkët për njerëzimin”. Më shumë se 100 shtete dhe organizata ndërkombëtare morën pjesë me delegatë nga çdo cep i botës duke përfshirë krerë shtetesh, organizata, grupet e mendimit dhe institucionet kërkimore, si dhe studiues të njohur dhe ekspertë në fushën e shkencave humane, ekonomike, politike dhe shoqërore.
Dhjetë vjet më parë, duke u përballur me ndryshimet e thella të botës, të kohës dhe historisë sonë, Presidenti Xi Jinping parashtroi vizionin e rëndësishëm të ndërtimit të një komuniteti me një të ardhme të përbashkët për njerëzimin. Gjatë konferencës u zhvilluan 4 sesione paralele me temë “Rigjallërimi i Zhvillimit Global”, “Nxitja e një Komuniteti me fate te përbashkëta, Jeta për njeriun dhe natyrën”, “Thellimi i shkëmbimeve dhe mësimit të ndërsjellë midis Qytetërimeve” dhe “Praktikimi i Multilateralizmit të Vërtetë”.
Dr. Marsela Muabelliu, drejtore ekzekutive e Institutit të Studimeve të Globalizimit, mori pjesë në këtë konferencë dhe mbajti një kumtesë. Për Grupin Mediatik të Kinës (CMG) ajo flet më gjerësisht rreth rëndësisë së saj.
M.Musabelliu gjatë forumit (Foto Fb)
CMG: Koncepti “Komuniteti i një të ardhmeje të përbashkët për njerëzimin ka nisur 10 vjet më parë. Presidenti kinez Xi Jinping në realitetin e asaj kohe, kur bota përballej me ndryshime të situatës gjeopolitike ndërkombëtare parashtroi një vizion që lidhet me ndërtimin e një komuniteti me një të ardhme të përbashkët për njerëzimin. Ju keni marrë pjesë në një konferencë ndërkombëtare që është fokusuar në këtë koncept. Çfarë mund të na thoni rreth konferencës?
Dr. Marsela Musabelliu: Kjo ftesë i erdhi Institutit tonë nga Akademia e Shkencave Sociale të Kinës dhe i kushtohet eventit të një jubileu, të 10 vjetorit të komunitetit me një të ardhme të përbashkët për njerëzimin. Ishin më shumë se 100 vende të pranishme dhe mbi 30 organizata ndërkombëtare, si dhe krerë shtetesh, ministra të jashtëm, studjues nga bota akademike por dhe nga OJF-të si dhe nga media.
Ishte menduar që të kishte nga një përfaqësues nga vende specifike, të cilat e kanë përqafuar konceptin e komunitetit për një të ardhme të përbashkët për njerëzimin dhe ne si Institut jemi të lumtur që u thirrëm të merrnim pjesë në konferencë për një qëndrim 3 ditor, ndër të cilat 2 ditë ishin punimet e Konferencës dhe dita e tretë ishte networking për t’u njohur me homologët kinezë dhe nga bota si dhe për të parë ku jemi 10 vite pas shpalljes së këtij koncepti dhe vizioni.
Marsela Musabelliu gjatë Forumit (Foto Fb)
CMG: Rigjallërimi i Zhvillimit Global çfarë ka si kryefjalë?
Dr. Marsela Musabelliu: Konferenca ishte e ndarë në 4 faza. Sipas ekspertizave përkatëse dhe background-it të pjesëmarrësve ishin ndarë dhe panelet. Fjala përshëndetëse e konferencës u mbajt në Pallatin e Popullit në Pekin, ku u pritëm nga ministri i Departamentit të Publicitetit, , njëkohësisht anëtar i Byrosë Politike të Komitetit Qendror të Partisë Komuniste të Kinës, Li Shulei, një nga shtatë personat vendimarrës në vend. Më tej vijuam me 4 panelet përkatëse. Paneli i parë me një pjesëmarrje të madhe kishte në fokus Rigjallërimin e Zhvillimit Global. Aty morën pjesë më shumë se 30 ekspertë, të fokusuar në fushën ekonomike.
Vizioni i komunitetit me fate të përbashkëta të njerëzimit, i nisur nga Pekini, në këto 10 vite ka hasur vështirësi të mëdha sepse kemi parë pandeminë Covid 19 që ndodh një herë në shekull, por dhe ndryshime të mëdha gjeopolitike. Në këtë koncept u diskutua me ekspertët kinezë dhe ndërkombëtarë se si mund të bëhet që rimëkëmbja pas pandemisë të jetë sa më e qëndrueshme, sa më afatgjatë dhe si mund komuniteti me fate të përbashkëta të njerëzimit të ndihmojë në zbutjen e hendekut zhvillimor botëror.
Ka vende shumë të zhvilluara nga njera anë dhe vende shumë të varfëra nga ana tjetër. Çfarë mund të bëjnë ekspertët e vendeve përkatëse për të ngushtuar këtë hendek dhe cila është thirrja e Kinës në këtë drejtim?
Kemi parë që një nga shtyllat kryesore të komunitetit me fate të përbashkëta të njerëzimit ishte kur presidenti Xi në vitin 2021 i bëri thirrje komunitetit ndërkombëtar që të vendoste në prioritetet e tyre Axhendën Zhvillimit Global. Ky duhet të ishte një prioritet në axhendat makro të qeverisjes globale.
CMG: Komuniteti i fateve të përbashkëta për njerëzimin përmban dhe një nxitje për njeriun dhe natyrën. Njeriu dhe natyra janë një unitet i pandashëm, por po shohim dita-ditës se njeriu cilësohet dhe si “armik” i natyrës, sa i përket problemeve mjedisore, të klimës. Ku mund të fokusohet nxirja e një komuniteti të jetës për njeriun dhe natyrën?
Dr. Marsela Musabelliu: Kjo ishte një nga temat e njerit prej paneleve dhe ne që morëm pjesë dhe ishin të interesuar për të dëgjuar ekspertët kinezë, sepse qytetërimi kinez ndër shekuj e ka vlerësuar shumë harmoninë e njeriut me natyrën. Vitet e fundit Kina ka bërë thirrje për ruajtjen e biodiversitetit, për energji të rinovueshme, makina elektrike.
CMG: Këto në Kinë janë të prekshme, konkrete dhe nuk kanë ngelur vetëm në teori. Mjafton të ndjekim lajmet nga Kina dhe nëse i referohemi vetëm përdorimit të makinave elektrike, që ju përmendët, pjesa më e madhe e taksive në megaqytetet kineze, por dhe mjetet e transportit publik janë të gjitha elektrike. Kjo është një mënyrë se mund të jetë miqësor njeriu me natyrën.
Dr. Marsela Musabelliu: Vura re gjithashtu se në Kinë po i mëshojnë shumë konceptit të teknologjisë dhe inteligjencës artificiale për ta bërë jetën dhe botën tonë më të gjelbër. Si munden këto gjetje shkencore, kompjuterike të jenë në një ndërthurje të tillë harmonike që jeta e njeriut, ajri që thith dhe toka ku jeton të jenë më të pastra dhe më të gjelbërta, sepse kjo është shtëpia jonë e përbashkët.
Marsela Musabelliu para Sallës së Popullit në Pekin (Foto FB)
CMG: Kur mendon për një superteknologji, robotë apo zhvillime të një natyre tjetër dhe të duket sikur ke të bësh me një planet tjetër që nuk ka lidhje me natyrën tonë. Por në fakt, sipas bisedave që kemi patur me ekspertë të teknologjisë, ky është një koncept i gabuar sepse gjithë ky zhvillim teknologjik bëhet për të përmirësuar jetën e njerzve, marrëdhëniet njeri-natyrë si dhe për të mbrojtur natyrën.
Dr. Marsela Musabelliu: Në Kinë, jo vetëm sa i përket natyrës por dhe gjithçkaje tjetër në lidhje me prodhimtarinë, avancimin teknologjik, shpikjet
Aktualisht, bota është dëshmitare e ndikimeve të kombinuara të ndryshimeve të thella të papara në një shekull dhe pandemisë COVID-19. Ndërkohë, rimëkëmbja ekonomike botërore po lëkundet.
Hendeku i zhvillimit midis veriut dhe jugut po thellohet dhe deficiti i zhvillimit global po rritet. Indeksi i Zhvillimit Njerëzor ka rënë për herë të parë në 30 vjet. Në Shtator 2021, Presidenti Xi Jinping propozoi Iniciativën e Zhvillimit Global në Asamblenë e Përgjithshme e OKB-së, e cila i bën thirrje komunitetit ndërkombëtar të vendosë lart zhvillimin axhenda globale e politikave makro, përshpejton zbatimin e Agjendës 2030 të OKB-së për Zhvillimi i Qëndrueshëm dhe të punojmë së bashku për të drejtuar zhvillimin global drejt një faze të re me rritje të balancuar, të koordinuar dhe gjithëpërfshirëse. Ekspertët që moren pjesë në këtë sesion shkëmbyen përvoja zhvillimi në fushat e veprimit si ulja e varfërisë, lidhja, industrializimi, ekonomia dixhitale dhe inovacioni shkencor dhe teknologjik, dhe eksplorimi me mënyra efektive për të avancuar bashkëpunimin ndërkombëtar për zhvillim.
CMG: Nxitja e një komuniteti të jetës për njeriun dhe natyrën – ku u fokusua?
Dr. Marsela Musabelliu: Njeriu dhe natyra formojnë një bashkësi jete. Ne si qenie njerëzore duhet ta respektojmë natyrën, ta ndjekim dhe ta mbrojmë atë. Qytetërimi kinez e ka vlerësuar gjithmonë harmoninë midis njeriut dhe natyrën si dhe respektimin e ligjeve të natyrës.
Pandemia e COVID-19 ka hedhur një hije mbi zhvillimin global. Aktualisht, biodiversiteti po zvogëlohet me një ritëm të paparë. Sfidat për mbijetesën dhe zhvillimin njerëzor të sjella nga ndryshimet klimatike vazhdojnë të shfaqen.
Sesioni 2 u fokusua në avancimin e zhvillimit të gjelbër dhe me karbon të ulët, si dhe tema të tjera kyçe duke përfshirë përdorimin e energjisë së rinovueshme, reagimin ndaj ndryshimeve klimatike, përmirësimin e qeverisjes globale ekologjike dhe promovimin e mënyrave të gjelbra të jetës dhe punës.
Praktikat për mbrojtjen e shtëpisë sonë të përbashkët dhe realizimin e zhvillimit të qëndrueshëm të njerëzimit.
CMG: Thellimi i shkëmbimeve dhe mësimit të ndërsjellë midis qytetërimeve si u analizua?
Dr. Marsela Musabelliu: Zhvillimi i shoqërisë njerëzore është nxitur nga shkëmbimet mes qytetërimeve. Qytetërimi kinez ka një histori të gjatë, ndërveprimi dhe integrimi i tij me qytetërimet e tjera nuk pushoi kurrë.
Punimet e Forumit (Foto FB)
Aktualisht, ndërsa njerëzimi adreson sfidat e përbashkëta dhe shkon drejt një jete më të mirë e ardhmja, shkëmbimet dhe mësimi i ndërsjellë ndërmjet qytetërimeve nuk janë vetëm forca shtytëse për zhvillimin njerëzor, por edhe lidhja e rëndësishme për paqen botërore.
Në këtë sesion u rishikua rrjedha e shkëmbimeve dhe integrimit midis qytetërimit kinez dhe qytetërimeve të tjera në botë nga perspektiva historike, kulturore dhe filozofike, u eksplorua se si qytetërimet e ndryshme të botës kanë kontribuar në zhvillimin e shoqërisë njerëzore.
Më tej u diskutua se si mund të rritet mirëkuptimi dhe besimi nëpërmjet të mësuarit të ndërsjellë ndërmjet qytetërimeve në kohët aktuale, për të ndërtuar një botë të hapur dhe gjithëpërfshirëse me bukurinë e qytetërime të ndryshme, duke ruajtur respektin e ndërsjellë dhe bashkëjetesën harmonike.
Intervistoi Eda Merepeza
