Boluo zimifan, pilafi me ananas, është një gjellë tipike e kombësisë dai. Ai bëhet me oriz e perime e më pas futet në ananas, të cilit i kemi prerë bishtin dhe i kemi hequr pjesën e brendshme. Pilafi me ananas bën mirë për gjakun dhe mushkëritë.

Përbërësit

1 gotë ananas (të freskët ose të konservuar)

4 gota oriz të gatuar më parë

4 lugë vaj

3 thelpinj hudhër të grira hollë

1/2 gotë me akazhu (cashew)

1/2 gotë me bizele

1 vezë të rrahur

6 lugë lëng pule

3 lugë salcë soje

1 lugë sheqer

3 qepë të njoma të prera hollë

1/3 gotë majdanoz

Sipas dëshirës: 8-12 karkaleca deti

Hapi 1: Përgatisni orizin. Hidhini pak vaj dhe përziejini që të shkrifet. Lëreni mënjanë.

Hapi 2

Shtoni vajin në një tigan me bazë të thellë dhe pasi të jetë nxehur shtojini hudhrat dhe lërini të skuqen për 1 minutë. Nëse do të përdorni karkaleca deti, ky është moment për t'i skuqur.

Hapi 3

Shtoni në tigan vezën e rrahur më parë dhe përziejini të gjitha së bashku me lugë druri.

Hapi 4

Përzieni lëngun e pulës me salcën e sojës dhe sheqerin dhe përzierjen e hedhim në tigan.

Hapi 5

Shtoni akazhut dhe skuqini për 30 sekonda.

Hapi 6

Shtoni orizin dhe përziejini mirë të gjitha së bashku derisa të krijohet një ngjyrë uniforme.

Hapi 7

Shtoni bizelet dhe ananasin. Përziejini mirë së bashku.

Hapi 8

Vazhdoni përzierjen për 1-2 minuta.

Hapi 9

Shërbejeni

Pasi e keni hedhur brenda ananasit mund ta zbukuroni lart me majdanoz ose me qepë të njoma.

Ju bëftë mirë!