Qoftet kineze janë shumë të famshme sot në botë, për shijen dhe veçantinë e tyre.
Koha e përgatitjes: 10 minuta
Koha e gatimit: 20 minuta
Për 3 persona
Përbërësit:
500g mish derri i grirë
2 gështenja të grira hollë (nëse keni dëshirë)
1 lugë gjelle qepë të njomë
1 lugë niseshte
1 vezë
5 lugë vaj
kripë
1/2 lugë sheqer
1 lugë verë orizi
1-2 lugë salcë soje
Përgatitja:
1. Rrihni vezën në një tas
2. Në një tas tjetër të madh, shtoni mishin e grirë, vezën e rrahur, qepën e njomë, 1-2 lugë niseshte, kripën, sheqerin, verën e orizit dhe salcën e sojës. Përziejeni mirë derisa të bëhet një masë e njëtrajtshme.
3. Qoftet i bëjmë të vogla sa një arrë
4. Nxehni vajin dhe nisni të fërgoni qoftet derisa të skuqen plotësisht. Pas skuqjes, i vendosim në pjatë ku kemi shtruar letër kuzhine.