Pasi shijoi frytet e para të suksesit, Cao mori më shumë këshilla nga ekspertët. Brenda pak vitesh pemtorja e tij u bë më fitimprurëse se kurrë.

" Më parë, përdorja vetëm një lloj plehu ushqyes. Pasi mora këshilla, unë testoja çdo vit, tokën ku kisha mbjellë pemët, për të përcaktuar se çfarë emementësh i mungonin asaj. Pas kësaj mund të përdorja plehun e duhur ushqyes, për të balancuar ushqyesit në tokë. Kjo është më shumë teknikë shkencore. Në 2010, mollët e mia u shitën me 120,000 juan dhe përfitimi ishte 100,000."

Ky fitim ishte gjashtë herë më i madh, nga sa Cao kishte fituar me pemtoren e tij në 2005. Me rritjen e fitimeve nga mollët, Cao ndërtoi një shtëpi të re për familjen e tij, dhe u bë femreri i parë në fshat, që kishte një makinë.

Cao është një ndër qindra milion fermerët kinezë, të cilët përfitojnë nga iniciativa kombëtare e Kinës, për të promovuar teknologjitë e reja të bujqësisë. Për vite me radhë, ai e ndau eksperiencën e tij në kultivimin dhe rritjen e mollëve me bujqit e tjerë të zonës.

Në nëntor 2010, Cao u ftua ti bashkohej një skuadre nga Universiteti Veriperëndimor i Bujqësisë dhe Pylltarisë, të cilët do të merrnin pjesë në një konferencë ndërkombëtare për konsumuesit e ushqimit teknologjik, e cila u mbajt në Universitetin e Harvardit, në Shtetet e Bashkuara.