Ekspozita Ndërkombëtare e Importit e Kinës injekton impuls të ri në ekonominë

Edicioni i dytë i Ekspozitës Ndërkombëtare të Importit e Kinës (CIIE) do të zhvillohet në Shangai nga 5 deri më 10 nëntor. Kjo ekspozitë e fokusuar tek importi pritet të injektojë një energji të re në ekonominë botërore, pasi numri i kompanive pjesëmarrëse, produkteve dhe teknologjive të reja do të jetë më i lartë se në edicionin e parë.

Ekspozita e këtij viti do të ketë një sipërfaqje të përgjithshme prej 360 mijë metrash katrorë, 60 mijë më shumë se vitin e kaluar, tha në një konferencë shtypi të ditëve të fundit ministri kinez i Tregtisë Zhong Shan.

Ndërkohë që Kina po zgjeron më tej tregun e saj, Ekspozita Ndërkombëtare e Importit e këtij viti do të tërheqë më shumë se 250 nga 500 kompanitë kryesore të botës, duke treguar ndikimin në rritje të këtij panairi, shtoi ministri.

Sipërmarrësi nga Bangldeshi Mohammad Nurus Safa do të dërgojë kontigjentin e dytë të produkteve në Shangai për pjesëmarrjen në CIIE.

"Këtë vit në ekspo sjellim produkte unike vendore të qëndisjes, me qëllim që më shumë banorë të Bangladeshit të mund të ndajnë shanset e zhvillimit të sjella nga 'treni ekspres i Kinës'," tha Safa, themeluesi i kompanisë "Dada Bangla".

Kompania e Safa-s ekspozoi një shumëllojshmëri punimesh artizanale lokale, të tilla si qilima, shporta dhe çanta, në edicionin e pare të panairit nëntorin e kaluar në metropolin kinez. Produktet, shumë prej të cilave janë bërë nga gra të varfëra në Bangladesh, tërhoqën vëmendjen e vizitorëve dhe blerësve. Falë edicionit të parë, këto artizanale Bangladeshi tani shfaqen dhe shiten në një dyqan të nivelit të larta në Shangai.

"Mundësitë që sjell panairi po kontribuuojnë në përpjekjet globale për uljen e varfërisë," tha Safa.

Ekspozita e Importit ka përshpejtuar futjen e markave të huaja në rajonet më të brendshme në Kinë, veçanërisht qytete dhe qyteza, duke theksuar potencialin e tregut të madh kinez.

Tre muaj pas ekspozitës së parë, produktet e qumështit të një marke të Zelandës së Re që u ekspozuan në panair u shfaqën në një supermarket qarku në Rajonin Autonom të Ningxia Hui në veri-perëndim të Kinës. Në një qendër tregtare në Chongqing, mallrat e importuara si akullore ruse, vera gjeorgjiane dhe dekorime keniane janë bërë hit në mesin e konsumatorëve vendas.

Zgjerim i hapjes, impuls i ri

Deri tani, mbi 3 mijë ndërmarrje nga mbi 150 vende e rajone kanë konfirmuar pjesëmarrjen e tyre në këtë ekspozitë, tha Wang Bingnan, zv/ministri i Tregtisë i Kinës në një konferencë shtypi dhe në të do të shfaqen shumë produkte, teknologji dhe shërbime.

"E ngritur nga Kina dhe e ndarë me botën, CIIE-ja do të injektojë gjallëri dhe besim në ndërtimin e një ekonomie të hapur botërore," tha Zhong Shan.

Lidhur me CIIE-në si një platformë e shkëlqyer për të arritur klientë të ndryshëm, kryeekzekutivi i L'Oreal China, Fabrice Megarbane, tha se kompania do të ekspozojë 11 marka në seksionin e ri të nivelit të lartë të zonës së ekspozitës së mallrave të konsumit.

Ndërkohë, politikat e reja të hapjes së Kinës këtë vit kanë dhënë një shtysë më të madhe për kompanitë e huaja për të rritur investimet në ekonominë e dytë më të madhe në botë, e cila realizoi rritje prej 6.3 për qind në gjysmën e parë të këtij viti, pavarësisht gjendjes së paqartë globale.

Më 30 korrik, Kina rishikoi listat negative për hyrjen në treg të investimeve të huaja, duke zgjeruar hapjen në sektorë të tillë si shërbime, prodhim dhe minierë, dhe duke lejuar investitorët e huaj të drejtojnë bizneset që kontrollojnë shumicën e aksioneve ose që të zotërojnë tërësisht aksionet në më shumë sektorë.

Në gusht, Kina njoftoi një master plan për zona të reja të tregtisë së lirë në gjashtë rajone në nivel province, duke e çuar në 18 numrin e përgjithshëm të zonave të tilla pilot në mbarë vendin, të cilat testojnë mënyra të reja të menaxhimit të investimeve të huaja, tregtisë dhe transformimit të funksioneve qeveritare për t'u integruar më mirë në ekonomi me praktikat ndërkombëtare.

Ekspozita e importit jo vetëm rrit importin e mallrave dhe shërbimeve, por gjithashtu nxit përmirësimin e investimeve të huaja përmes tërheqjes së tregtisë dhe tregut, tha Min Shilin, zëvendësdrejtor ekzekutiv i Komitetit të Administrimit të Qarkut Qendror të Biznesit Shanghai Hongqiao. Muajin e kaluar u hap një qendër logjistike në HongBiao CBD për të ofruar shërbime tregtare me vetëm një sportel në mbështetje të CIIE-së.

"Përveç mundësive të sjella nga vetë panairi i importit, mjedisi i biznesit i përmirësuar vazhdimisht i Kinës na ka bërë gjithashtu shumë përshtypje," tha Anna E, drejtore e çështjeve publike të "Mars China".