Kreu i OBSh-së: Pandemia e koronavirusit po përkeqësohet globalisht

Organizata Botërore e Shëndetësisë thotë se pandemia e COVID-19 është duke u përkeqësuar globalisht, ndërsa rastet e infektimit pritet të arrijnë javën e ardhshme më shumë se 10 milionë dhe vdekjet 500 mijë.

Sidoqoftë, kreu i OBSh-së Tedros Adhanom Ghebreyesus vuri në dukje se pandemia po dobësohet në shumicën e vendeve të Evropës:

"Globalisht, (pandemia) po përkeqësohet. Në muajt e parë të kësaj shpërthimi, OBSh-së iu raportuan më pak se 10 000 raste. Në muajt e fundit janë raportuar pothuajse katër milionë raste. Ne presim që brenda javës tjetër rastet të arrijnë në gjithsej dhjetë milionë dhe vdekjet 500 000 ".

Duke folur para Komisionit të Shëndetësisë të Parlamentit Evropian të enjten, ai tha gjithashtu se më shumë se 9.2 milionë raste të COVID-19 i janë raportuar OBSh-së që nga e enjtja.

Zyrtari i lartë hodhi poshtë kritikat se Kina nuk i paralajmëroi menjëherë vendet e tjera në lidhje me pandeminë dhe vlerësoi reagimin e saj ndaj shpërthimit:

"Ne i vlerësojmë vendet kur punojnë mirë. Për shembull, masat e marra në Wuhan ishin shumë të forta. Ata morën masa shumë të forta shoqërore dhe më pas e identifikuan virusin në një kohë rekord."

Virusi u identifikua së pari në qytetin kinez Wuhan të provincës Hubei në dhjetor 2019.