Vaksina joaktive e COVID-19 e Kinës rezultate premtuese në fazën e dytë të provave klinike

Kina ndau rezultatet e provave klinike të fazës 1 dhe 2 të një vaksine joaktive kandidate kundër COVID-19, e cila rezultoi premtuese si në siguri ashtu edhe në efikasitet, sipas Grupit Kombëtar Farmaceutik të Kinës (Sinopharm).

Vaksina, e zhvilluar nga Instituti i Wuhan-it i Produkteve Biologjike nën Grupin Kombëtar Biotec të Kinës (CNBG), i lidhur me Sinopharm, përfshiu 1120 vullnetarë të grupmoshës 18-59 vjeç në provat klinike, që nisën në 12 prill.

Sipas komunikatës në fjalë, është vërejtur se nuk kishte efekte anësore të dëmshme në dy fazat e para të testeve klinike, në të cilat u testuan siguria dhe efektshmëria e vaksinës së mundshme, ndërkohë që antitrupat kundër virusit u zhvilluan brenda 14 ditëve pas aplikimit të vaksinës.

Për ata që marrin dy injeksione me dozë të mesme në intervalin prej 14 ditësh dhe 21 ditësh, shkalla e përgjigjes imune arriti në 97.6 për qind. Për ata që marrin dy injeksione me dozë të mesme në një interval prej 28 ditësh, shkalla e zhvillimit të antitrupave neutralizues arriti në 100 për qind.

CNBG-ja po nxit aktivisht bashkëpunimin me vendet e tjera për fazën 3 të provave klinike dhe do bashkëpunojë me disa ndërmarrjeve dhe institucioneve kërkimore. Faza e tretë është hapi i fundit për të parë nëse një vaksinë funksionon para se të kërkohet miratimi nga autoritetet rregulluese. (Albana)