Shërbimi Sekret Australian: Karantina po "shfrytëzohet" nga ekstremistët e krahut të djathtë

Organizata Australiane e Inteligjencës së Sigurisë (ASIO) paralajmëroi se grupet e ekstremit të djathtë po shfrytëzojnë krizën e koronavirusit për të punësuar anëtarë të rinj.

Sipas një konference shtypi të Organizatës Australiane të Inteligjencës së Sigurisë (ASIO) publikuar nga Korporata Australiane e Transmetimit (ABC) të premten, individët e ekstremit të djathtë përbëjnë tani një të tretën e hetimeve të ASIO-s.

Konferenca paralajmëroi se retorika ekstreme e krahut të djathtë ka mbledhur një audiencë të pashembullt gjatë bllokimit si pasojë e koronavirusit, të cilët janë njerëz që kalonin më shumë kohë në internet gjatë kohës së karantinës.

"Kufizimet e COVID-19 po shfrytëzohen nga narrativa të ekstremit të djathtë që e pikturojnë shtetin si shtypës dhe globalizimin dhe demokracinë si të meta dhe të dështuara," thuhet në konferencë.

"Ne vlerësojmë që pandemia COVID-19 ka përforcuar një besim ekstrem të krahut të djathtë në pashmangshmërinë e kolapsit shoqëror dhe një "luftë racash".

ASIO ka paralajmëruar vazhdimisht për një rritje të veprimtarisë ekstremiste në internet gjatë karantinës.

Organizata tha se grupet e krahut të djathtë përhapën teori komploti që e lidhin koronavirusin me teknologjinë 5G në një përpjekje për t'i çuar njerëzit drejt ideologjive të krahut të djathtë.

"Këto grupe po bëhen gjithnjë e më ideologjike; më të vetëdijshme dhe të përkushtuara ndaj dogmave, filozofive dhe pikëpamjeve specifike, shumë prej të cilave mbështesin ose lavdërojnë dhunën." (Albana)