Banka Botërore: Ekonomia globale do të tkurret me 5.2 % sivjet

Banka Botërore parashikon që ekonomia globale do të tkurret me 5.2 % këtë vit për shkak të pandemisë së COVID-19, recesioni më i madh pas Luftës së 2-të Botërore.

Parashikohet që veprimtaria ekonomike në ekonomitë e zhvilluara do të pakësohet me 7 %, ndërsa në ShBA 6.1%.

Ndërkohë, në Amerikën Latine dhe në vendet e Karaibeve veprimtaria ekonomike parashikohet të ulet me 7.2%.

Azia Lindrore dhe Paqësori është rajoni i vetëm që mund të shënojë rritje sivjet. Ekonomia e Kinës pritet të rritet 1 %.