Ndalimqarkullimi në qytetin e Nju-Jorkut hiqet një ditë më herët pas protestave paqësore

Kryetari i Bashkisë së Nju-Jorkut Bill de Blasio ka hequr ndalimqarkullimin në qytet, pas nëntë ditësh protestash paqësore.

Ndalimqarkullimi i fundit ishte përcaktuar të fillonte në orën 8 të mbrëmjes së të dielës dhe të mbaronte të hënën në mëngjes.

Ndalimqarkullimi në qytet u vendos javën e kaluar pas plaçkitjeve dhe përleshjeve me policinë gjatë protestave kundër vrasjes së afroamerikanit George Floyd.

Të shtunën u zhvillua në qytet protesta më e madhe deri tani.

Gjatë konferencës së shtypit të dielën, De Blasio u zotua se do t'i japë disa nga fondet e përcaktuara për Departamentin e Policisë të Nju-Jorkut për të rinjtë dhe shërbimet sociale, si pjesë e reformës policore.

Ndërkohë, kryetarja e Bashkisë së Çikagos Lori Lightfoot ka njoftuar gjithashtu përfundimin e ndalimqarkullimit në këtë qytet, të vendosur javën e kaluar pas plaçkitjeve dhe dëmtimit të pronës. (Vera)