Siberi, vijon pastrimi pas derdhjes së naftës

Përpjekjet e pastrimit në Siberi kanë vazhduar, pasi rreth 20 000 tonë naftë u derdhën nga një depozitë në një termocentral.

Incidenti ndodhi të premten pranë Norilskit, në verilindje të Moskës.

Punëtorët e shërbimit të emergjencës grumbulluan 850 metra kubë ujë të ndotur dhe 11 000 tonë tokë të njomur me naftë, e njëjta sasi që u mblodh edhe javën e kaluar.

Specialistët janë duke përdorur material prej qymyrguri për të thithur naftën, ndërsa në lumë janë vendosur pengesa për të bllokuar përhapjen e karburantit.

Organi më i lartë i hetimit penal në Rusi ka nisur hetimin mbi këtë incident dhe një punonjës është ndaluar. (Çang Çuo)