Kina përforcon kontrollimin ndaj të infektuarëve asimptomatikë me COVID-19

Kina ka përforcuar masat dhe reagimin e shpejtë ndaj personave të infektuar me koronavirusin e tipit të ri, por që nuk kanë simptoma.

Sipas Këshillit të Shtetit, rastet asimptomatike janë infektive dhe përbëjnë rrezik përhapjeje te të tjerët.

Autoritetet theksojnë se duhet të forcohet shqyrtimi i rasteve pa simptoma, duke synuar kontaktet e ngushta të pacientëve të konfirmuar, udhëtarët nga zona me rrezikshmëri të lartë infektimi etj.

Prej 1 prillit, Komisioni Kombëtar i Shëndetësisë ka përfshirë informacione për rastet asimptomatike në raportin e tij të përditshëm.

Deri tani, mbi 1100 raste asimptomatike, përfshi mbi 360 raste të importuara nga jashtë, kanë qenë nën vëzhgimin mjekësor në pjesën kontinentale të Kinës. (Albana)