Xi Jinping paraqet "modernizimin e qeverisjes" gjatë inspektimit të punës në Zhejiang

Të martën, presidenti kinez Xi Jinping vizitoi parkun kombëtar të ligatinës Xixi të qytetit Hangzhou dhe qendrën komanduese të administrimit urban për të inspektuar mbrojtjen e ligatinës dhe modernizimin e qeverisjes urbane të Hangzhout.

Pasditen e së martës, presidenti Xi vizitoi së pari parkun e ligatinës Xixi. Pas zbutjes së gjendjes epidemike, parku ka pritur turistët e parë me porosi. Pasi e panë presidentin Xi, turistët e përshëndetën ngrohtësisht duke e ftuar për një shëtitje me barkë.

Parku i ligatinës Xixi është parku i parë kombëtar i ligatinës në Kinë me një sipërfaqe ujore 68%. Në park ka burime të pasura ekologjike dhe mjedis të bukur natyror.

Gjatë inspektimit Xi Jinping tha se ligatina është "veshka e Tokës" dhe duhet të mbrohet ekologjia e saj. Mjedisi ekologjik është baza e turizmit dhe turizmi nuk duhet të zhvillohet duke sakrifikuar mjedisin.

Pas vizitës në parkun Xixi, presidenti Xi shkoi në qendrën komanduese të administrimit urban të Hangzhout për të njohur gjendjen e ndërtimit të "Hangzhou-t digjital", të parandalimit e të kontrollit epidemik dhe të nxitjes së rifillimit të punës nëpërmjet teknologjisë digjitale. Xi Jinping tha se "truri" i qytetit është një masë e rëndësishme për ndërtimin e "Hangzhout digjital". Nëpërmjet modernizimit të qeverisjes urbane me të dhënat e mëdha (Big Data), të sistemit "cloud", inteligjencës artificiale etj., qyteti do të bëhet më i zgjuar.

Para largimit nga qendra komanduese, Xi Jinping u tha punonjësve:

"Tani nuk është koha për lehtësimin e masave të parandalimit e të kontrollit, nuk duhet të zhvillojmë takime. Ne mund të shohim filma në internet. Duhet të ndalohen përkohësisht ndeshjet sportive dhe të kufizohet numri i klientëve në restorant etj. Sot vizitova parkun Xixi, ku zbatohen vizitat me porosi për të kufizuar numrin e turistëve në 30% të nivelit të zakonshëm. Jam i mendimit se këto masa janë të nevojshme, që pasqyrojnë nivelin e qeverisjes së shtetit. Ne duhet të zbatojmë masat kufizuese ose t'i heqim ato sipas ndryshimit të gjendjes, kjo është një aftësi." (Fani)