Kryediplomatët e Kinës dhe Britanisë shpresojnë në forcimin e bashkëpunimit kundër epidemisë

Ministri i Jashtëm kinez Wang Yi thotë se Kina dhe Britania mund të forcojnë më tej bashkëpunimin për parandalimin dhe kontrollin e epidemisë.

Në një bisedë telefonike me sekretarin e Jashtëm britanik Dominic Raab për luftën kundër koronavirusit të ri, kryediplomati kinez falënderoi palën britanike për mbështetjen në betejën e Kinës kundër epidemisë dhe shprehu besimin se Britania mund ta përmbajë në mënyrë efektive sëmundjen.

Raab vlerësoi masat e Kinës për të parandaluar e kontrolluar shpërthimin dhe për të ndaluar përhapjen e mëtejshme të sëmundjes, si edhe falënderoi palën kineze për ndihmën e dhënë për qytetarët britanikë në Kinë.

Të dy ministrat diskutuan edhe për krijimin e një partneriteti shëndetësor global. (Vera)