Kina po nxit bashkëpunimin e gjithanshëm ndërkombëtar kundër COVID-19

Kina, duke vazhduar përpjekjet kundër epidemisë së pneumonisë së shkaktuar nga koronavirusi COVID-19, po nxit në mënyrë të gjithanshme bashkëpunim ndërkombëtar në forma të ndryshme për t'u ofruar mbështetje dhe ndihmë palëve përkatëse, deklaroi zëdhënësi i diplomacisë kineze Zhao Lijian.

Në një konferencë shtypi të organizuar të premten në Pekin, z. Zhao bëri të ditur se pala kineze ka krijuar një mekanizëm të shkëmbimeve të shpeshta me OBSh-në, BE-në, Bashkimin Afrikan, ASEAN-in, Korenë e Jugut, Komunitetin e Vendeve të Karaibeve(CARICOM), Iranin etj. Brenda kornizës së bashkëpunimit, palët po ndajnë informacionin dhe ofrojnë mbështetje në parandalimin, kontrollin si dhe mjekimin e sëmundjes.

"Do të vazhdojmë të shtojmë bashkëpunimin me komunitetin ndërkombëtar, duke ofruar edicionet e përditësuara të udhëzimeve të mjekimit të përpiluara nga qendra e kontrollit e sëmundjeve dhe specialistëve të shëndetit, duke zhvilluar shkëmbime me ekspertë të huaj nëpërmjet platformave të internetit dhe linjave telefonike. Qeveria kineze mbështet Kryqin e Kuq dhe Qendrën e Kontrollit të Sëmundjeve të Kinës të dërgojnë ekipe ekspertësh në vendet e prekura nga epidemia për të dhënë ndihmën e duhur", shtoi zëdhënësi Zhao Lijian.(Zhang Yan/Albana)