Shangai ofron përkrahje financiare për sektorët kulturorë e turistikë të prekur nga virusi

Bashkia e Shangait është shprehur se do të mbështetë sektorin e kulturës dhe atë të turizmit, duke ofruar subvencione e kredi me interes të ulët dhe duke u kthyer fondet e detyrueshme të depozitës agjencive të udhëtimit, për të lehtësuar ndikimin nga epidemia e koronavirusit.

Zyrtarët bashkiakë thonë se mbështetja me politika do t'u japë përparësi sektorëve dhe kompanive më të prekura nga epidemia, veçanërisht ndërmarrjeve të vogla dhe të mesme në fushat e argëtimit, turizmit dhe sporteve elektronike.

Shangai ka ofruar shërbime të posaçme financiare për sektorin kulturor. Norma e interesit për kreditë e vogla për këtë sektor është ulur me të paktën 25 për qind nga norma mesatare e interesit të tregut.

Pronave shtetërore në qytet u është kërkuar të pakësojnë qiratë për ndërmarrjet e vogla dhe të mesme që kanë të bëjnë me kulturën.

Shangai po u rikthen 1 400 agjencive të udhëtimit depozitat e detyrueshme në një shumë prej 500 milionë juanësh (rreth 70 milionë dollarë amerikanë). (Wang Lei)