Franca u bën thirrje shtetasve të vet që të shmangin udhëtimin në Itali prej koronavirusit
| 2020-02-26 09:37:45 | CRI | Komenti juaj |  |
Printoni |
Itali
Franca u ka bërë thirrje shtetasve të vet që të shmangin udhëtimet në Itali, për shkak të epidemisë së koronavirusit.
Ministri i Shtetit për Transportin Jean-Baptiste Djebbari (Zhan-Batist Xhebari) thotë se ata që kanë planifikuar të shkojnë në zonat më të prekura në Itali, mund ta shtyjnë udhëtimin.
Ai u rekomandoi atyre që janë tashmë në zonat ku është përhapur COVID-19, të kufizojnë kontaktet e tyre shoqërore.
Në Itali, epidemia e koronavirusit të ri ka shkaktuar dhjetë të vdekur dhe 322 veta janë të infektuar, shumica në rajonet veriore të Lombardisë dhe Venetos.
Në Francë u regjistruan të martën dy raste të reja infektimi nga koronavirusi.
Franca ishte vendi i parë në Evropë që konfirmoi rastet e koronavirusit më 24 janar. Ndër 12 të sëmurët e regjistruar më parë, 11 janë shëruar. (Artan Goga)
