Kina çmon mbështetjen e Francës në luftën kundër COVID-19

Qeveria kineze ka vlerësuar lart mbështetjen e Francës në luftën kundër epidemisë së koronavirusit.

Zëdhënësi i Ministrisë së Jashtme Zhao Lijian i bëri këto komente pasi Franca i dërgoi Kinës kontingjentin e tretë të ndihmës me pajisje mjekësore.

"Përballë kësaj epidemie, sektorë të ndryshëm në Francë kanë dhënë mbështetje dhe e kanë ndihmuar Kinën, ashtu si shumë vende të tjera mike. Kjo e ka bërë popullin kinez të ndiejë ngrohtësi dhe pasqyron gjallërisht nivelin e lartë të marrëdhënieve dypalëshe," theksoi Zhao Lijian-i.

Ai shtoi se Kina do të vazhdojë të bashkëpunojë me bashkësinë ndërkombëtare, duke përfshirë Francën, për të ruajtur sigurinë e shëndetit publik rajonal dhe global.(Çang Çuo)