Kina shpejton miratimin e produkteve kundër epidemike

Ditët e fundit, Administrata Shtetërore e Rregullimit të Tregut e Kinës, Administrata Shtetërore e Administrimit të Produkteve Mjekësore dhe Administrata Shtetërore e të Drejtave të Pronësisë Intelektuale publikuan së bashku "10 masat në përkrahje të rifillimit të punës e të prodhimit" për të zgjidhur vështirësitë e ndërmarrjeve në rifillimin e prodhimit gjatë periudhës së kontrollit të epidemisë. Të martën, zv-drejtori i Administratës Shtetërore e Rregullimit të Tregut Tang Jun u shpreh se 10 masat përfshijnë kryesisht dhënien e shërbimeve në internet, thjeshtësimin e procedurës, uljen e kostos etj., të cilat kanë pasur rezultate fillestare. Ai tha:

"Bashkia e Pekinit u ka dhënë menjëherë 19 ndërmarrjeve të produkteve antiepidemike licencën e lejen dhe ka thjeshtësuar shumë procedurën e dhënies së lejes për prodhimin e 5 tipeve të lëndëve të para dezinfektuese dhe të 2 tipeve të plehrave kimike. Zakonisht kjo procedurë kërkon përkatësisht 30 ditë dhe 10 ditë, por tani, u realizua vetëm në një ditë. Deri më 24 shkurt, përfundoi për 11089 herë prova e produkteve mbrojtëse si maska, veshje mbrojtëse, dorashka etj. duke dhënë përkrahje teknike për sigurimin e cilësisë së produkteve mbrotjëse."

Përballë gjendjes epidemike, Administrata Shtetërore e Administrimit të Produkteve Mjekësore ka krijuar në mënyrë urgjente kanalin e gjelbër të miratimit të ilaçeve e të aparateve mjekësore për të siguruar furnizimin urgjent të materialeve e të ilaçeve antiepidemike. Zv-drejtorja e administratës Yan Jiangying u shpreh se krahas miratimit të menjëhershëm të 5 ilaçeve të reja të mjekimit të pneumonisë së koronavirusit të tipit ri si Remdesivir etj. në provën klinike, më 22 shkurt, u miratuan edhe 3 reagente diagnostikuese.

Yan Jingying shtoi se Administrata e Administrimit të Produkteve Mjekësore ka forcuar kontrollin e cilësisë së produkteve mjekësore. Para hyrjes në treg, do të shpejtohet procesi i miratimit dhe pas hyrjes në treg, do të forcohen mbikëqyrja e administrimi i produkteve mjekësore. (Fani)