Vendet e ndryshme marrin masa më të ashpra kundër COVID-19

Disa vende kanë ndërmarrë veprime më të forta kundër COVID-19.

Koreja e Jugut e ka rritur alarmin për virusin në nivelin më të lartë, pasi numri i infeksioneve në këtë vend u rrit në mbi 600. Ndërkohë, numri i të vdekurve ka arritur në pesë.

Kjo shënon herën e parë që qeveria koreanojugore shpall nivelin më të lartë të alarmit që nga pandemia e gripit H1N1 në vitin 2009.

Qeveria do të marrë masa më të forta karantine, duke ndalur veprimtaritë në grup dhe duke urdhëruar mbylljen e përkohshme të shkollave.

Ministria e Arsimit ka urdhëruar të gjitha institucionet parashkollore dhe shkollat fillore e të mesme në të gjithë vendin që ta shtyjnë një javë hapjen e semestrit të ri.

Në Japoni, numri i rasteve të konfirmuara është afro 770, duke përfshirë mbi 630 nga anija "Diamond Princess".

Qeveria italiane ka mbyllur zonat e goditura më keq në rajonet veriore të Lombardisë dhe Venetos, pasi numri i rasteve u rrit në gati 80 dhe ka pasur dy të vdekur.

Irani gjithashtu ka raportuar mbi 40 raste infektimi, duke përfshirë 8 vdekje.