Xi Jinping: Kina ka frenuar përhapjen e epidemisë në botë

Presidenti i Kinës Xi Jinping zhvilloi pasditen e së martës një bisedë telefonike me kryeministrin britanik Boris Johnson. Gjatë bisedës, presidenti Xi shprehu falenderime për mbretëreshën Elizabeth II dhe Johnson-in për ngushëllimet dhe ndihmën ndaj Kinës në betejën kundër koronavirusit të tipit të ri.

Xi Jinping theksoi se pas shpërthimit të epidemisë, Kina ka marrë masat më të rrepta parandaluese e kontrolluese duke pasur rezultate të dukshme. Përpjekjet e Kinës kanë ndaluar përhapjen e epidemisë në sferën globale, Kina do të vazhdojë të zhvillojë bashkëpunimin me vendet ndryshme duke përfshirë Britaninë.

Nga ana e tij, Johnson vlerësoi lartë masat e fuqishme të Kinës në parandalimin e kontrollin e epidemisë dhe të frenimit të përhapjes në botë. Ai tha se Britania dëshiron të vazhdojë t'i japë Kinës përkrahje e ndihmë dhe shprehu bindje se Kina do ta fitojë këtë betejë. (Fani)