Modeli i Kinës jep kontribut për çështjen botërore kundër varfërisë

Kur u themelua Kina e Re, ajo ishte një nga vendet më të varfra në botë, banorët e thjeshtë kishin mungesa në ushqime e veshje. Nëpërmjet përpjekjeve të palodhshme, veçanërisht pas arritjes së suksesit në vitet 70' të shekullit të kaluar të teknologjisë së orizit hibrid të shkencëtarit Yuan Longping, Kina ka ushqyer rreth 20% të popullsisë së botës me 9% të tokës së globit, vëllimi i prodhimit të drithërave ka zënë vendin e parë në botë për shumë vjetë me radhë. Në të njëjtën kohë, Kina ka pasur suksese të mëdha në çështjen kundër varfërisë. Gjatë 70 vjetëve, mbi 850 milionë kinezë të varfër janë shkëputur nga varfëria. Sipas planit, në vitin 2020, Kina do të realizojë objektivin e zhdukjes në përgjithësi të varfërisë absolute.

Si vendi më i madh në zhvillim në botë, sukseset e Kinës në pakësimin e të varfërve gjatë 70 vjetëve kanë shpejtuar procesin e pakësimit të të varfërve në glob. Kina u ka dhënë vendeve aziatike, afrikane e latine ndihmë pa asnjë kusht politik brenda mundësive. Gjatë 70 vjetëve, Kina u ka dhënë 170 vendeve e organizatave ndërkombëtare mbi 400 miliardë juanë fonde ndihme, ka dërguar jashtë vendit mbi 600 mijë persona të ndihmës, ka zbatuar mbi 5000 projekte të ndryshme të ndihmës jashtë vendit duke përgatitur mbi 12 milionë vetë në vende në zhvillim.

Modeli dhe përvoja e Kinës në fushën e pakësimit të të varfërve kanë dhënë kontribut për çështjen botërore kundër varfërisë. Për shkak të pezullimit të globalizimit ekonomik, të zhvillimit të pabarabartë, të terrorizmit etj., sot në botë, rreth 700 milionë njerëz jetojnë ende në varfëri dhe misioni i uljes së numrit të të varfërve mbetet ende i vështirë. Si vend i përgjegjshëm dhe me përvojë, Kina i ka kushtuar më shumë vëmendje bashkëpunimit të jashtëm me leverdi reciproke duke bërë përpjekje për të forcuar aftësinë e zhvillimit të vazhdueshëm të vendeve në zhvillim nëpërmjet shtimit të importeve, zgjerimit të investimeve etj. (Fani)