Kina shpenzon shumë në pagesat për të drejtat e pronësisë intelektuale dhe vlerëson më shumë inovacionin

Të dhënat e fundit nga Administrata Shtetërore e Valutave tregojnë se vitin e kaluar pagesat e Kinës për të drejtat e pronësisë intelektuale u rritën 24 % krahasuar me vitin 2017, duke arritur në 36 miliardë dollarë amerikanë.

Kjo shënon një rritje mesatare vjetore prej 22 % nga viti 1997 deri në 2018-n.

Zyrtarët thonë se rritja e shpejtë pasqyron jo vetëm kërkesën e fortë të Kinës, por edhe forcimin e mbrojtjes nga ana e saj të të drejtave të pronësisë intelektuale.

Pagesat u bënë kryesisht në sektorët e kompjuterave, telekomunikacionit, elektronikës, prodhimit të automjeteve, ndërtimit të anijeve dhe aviacionit.

Shtetet e Bashkuara, Gjermania dhe Japonia ishin tre eksportueset kryesore. (Vera)