Vendet e "Një brez, një rrugë", forcim bashkëpunimit shëndetësor

Më shumë se dhjetë marrëveshje janë nënshkruar nga vendet e përfshira në nismën "Një brez, një rrugë" të shtunën për të forcuar përpjekjet lidhen me reagimin emergjent mjekësor dhe parandalimin e epidemive.

Marrëveshjet u miratuan në një simpozium ku morën pjesë zyrtarë nga më shumë se 30 vende, Organizata Botërore e Shëndetësisë dhe Programi i Kombeve të Bashkuara për HIV/AIDS.

Ato synojnë gjithashtu përmirësimin e mbrojtjes së shëndetit publik në vendet e përfshira në këtë nismë.

Zv.kryeministrja kineze Liu Yandong tha në fjalimin e vet në simpozium se Kina do të vazhdojë të mbështesë bashkëpunimin global në shëndetësi.

Ajo u bëri thirrje vendeve përgjatë "Një brez, një rrugë" të bashkërendojnë politikat e tyre shëndetësore, të forcojnë parandalimin e përbashkët dhe kontrollin e sëmundjeve infektive, si edhe të rritin aftësitë e reagimit ndaj emergjencave të shëndetit publik.

Numri dy i qeverisë kineze tha se në gjysmën e shekullit të kaluar Kina ka dërguar një personel mjekësor prej 25 mijë vetash në rreth 70 vende e rajone, dhe do të vazhdojë përpjekjet për të rritur sigurinë e shëndetit publik në shkallë globale.

Kreu i Organizatës Botërore të Shëndetësisë Tedros Adhanom Ghebreyesus vlerësoi përpjekjet e Kinës dhe bëri thirrje për bashkëpunim të mëtejshëm në të ardhmen.