"Nga zhvillimi i përgjithshëm del se Kina do t'i përmbahet zhvillimit proporcional të tregtisë së shërbimeve dhe do të rritë gradualisht peshën e industrisë së shërbimeve në tregtinë e jashtme. Nga një anë tjetër, Kina do t'i përmbahet zhvillimit proporcional midis importit dhe eksportit të industrisë së shërbimeve."
Sipas prirjes së zhvillimit të industrisë së shërbimeve, gjatë 5 viteve të ardhshëm, Kina do të shpejtojë zhvillimin e industrisë së shërbimeve duke përmirësuar teknologjinë e informacionit.
Ministri Chen, thotë se në strukturën rajonale të zhvillimit të industrisë së shërbimeve, Kina do të shtojë shfrytëzimin e zonave bregdetare.
"Kina do të shpejtojë ngritjen e nivelit ndërkombëtar të industrisë së shërbimeve, do të inkurajojë kompanitë e industrisë së shërbimeve duke u ofruar kushte më të mira, në mënyrë që ato të përdorin në mënyrë elastike forma të shumëllojshme ndërkombëtare dhe të zhvillojnë aktivitetet e investimeve jashtë vendit. Do t'i inkurajojmë dhe të investojnë drejtpërdrejt në vende në zhvillim, për të arritur suksese të dukshme në fusha të ndryshme."
Gjatë pjesëmarrjes së tij në këtë konferencë, zv-sekretari i përgjithshëm i Organizatës Botërore të Tregtisë, Harsha Vadhana Singh, tha se pas pranimit të Kinës në organizatë, eksporti nga industria e shërbimeve të Kinës ka pasur zhvillim të përshtatshëm. Sipas Singh, Kina po luan një rol gjithnjë e më të madh në industrinë e shërbimeve botërore.