Foto nga VCG

Autoriteti meteorologjik i Kinës lëshoi një alarm të verdhë për stuhi dëbore të hënën, që pritet të godasin pjesë të verilindjes së vendit, njofton “Xinhua”.

Stuhitë e dëborës pritet të godasin pjesë të Mongolisë së Brendshme të Kinës, Heilongjiang, Jilin dhe Liaoning, sipas Qendrës Kombëtare Meteorologjike.

Në pjesë të Liaoning pritet të ketë 20-25 milimetra borë.

Qendra ka këshilluar këmbësorët dhe drejtuesit e mjeteve që të kenë kujdes të shtuar gjatë motit me dëborë dhe u bëri thirrje autoriteteve lokale të marrin masa paraprake për rrugët, hekurudhat, rrymën dhe telekomunikacionin.

Qendra gjithashtu rinovoi të hënën një alarm të verdhë për një valë të ftohti, pasi shumica e zonave të Kinës qendrore dhe veriore pritet të kenë ulje të temperaturave me 6-10 gradë celsius gjatë katër ditëve të ardhshme.

Kina ka një sistem paralajmërimi të motit me katër nivele, të koduar me ngjyra, ku e kuqja përfaqëson motin më të ashpër, e ndjekur nga portokallia, e verdha dhe bluja.