Kryeministri Rama në Londër (Foto Gazeta Panorama)

Kryeministri socialist shqiptar Edi Rama u ka kërkuar emigrantëve shqiptarë në Britaninë e Madhe që në zgjedhjet parlamentare të vitit të ardhshëm të votojnë për Partinë Socialiste, shkruan rtsh.al.

Thirrjen e tij Rama e bëri gjatë një takimi të organizuar të dielën në Londër. Takimi u organizua në kuadër të turit të bashkëbisedimit të kryeministrit me diasporën, ndërsa është ligjëruar përfundimisht e drejta e votës për çdo shqiptar jashtë Shqipërisë.

"Pranverën e ardhshme e duan votën tuaj nga ky gadishull për t’ju bërë të gjithëve ju edhe më krenarë për Shqipërinë në sytë e botës" tha Rama.

Ai premtoi ta bënte Shqipërinë më të mirë për çdo shqiptar brenda dha jashtë saj.