Kina publikoi hollësi të mëtejshme rreth misionit të saj të ardhshëm hënor me astronautë në një video të enjten. 

Animacioni në video, i publikuar nga Agjencia e Fluturimeve Hapësinore me Astronautë e Kinës (CMSA) në Simpoziumin "Hapësira Njerëzore", tregon astronautët duke ngarë një rover hënor në sipërfaqen e Hënës dhe paraqet një rrugë udhëtimi treditor me zonën e zbritjes në qendër. 

Sipas videos, misioni hënor me astronautë i Kinës do të përqendrohet në zotërimin e teknologjive kyçe, si udhëtimet vajtje-ardhje Tokë-Hënë me astronautë, qëndrimet afatshkurtra në sipërfaqen hënore dhe eksplorimin në bashkëpunim mes njerëzve dhe robotëve. 

Kina synon të arrijë zbritjen hënore me astronautë deri më 2030. Duke përdorur testet e fluturimit me paraekuipazh dhe misionet hënore me astronautë, Kina planifikon të kryejë eksperimente në shkallë të gjerë të shkencës hapësinore në tre fusha kryesore, që përfshijnë shkencën hënore, shkencën e bazuar te Hëna dhe eksplorimin e përdorimin e burimeve.

Prodhimi dhe testimi në tokë i prototipave të raketës bartëse "Marshimi i Madh-10", "Mengzhou", "Lanyue", kostumit hapësinor që do të veshin astronautët, dhe roverit hënor po vijojnë sipas planit, bëri të ditur CMSA-ja.