foto: ATSH

Ministria ruse e Mbrojtjes njoftoi rrëzimin e dy raketave “Storm Shadow” të lëshuara nga Ukraina.

Kjo ishte hera e parë që Ukraina sulmonte me raketa të furnizuara nga Britania e Madhe që nga nisja e konfliktit në shkurt 2022, shkruan “ATSH”.

“Forcat e Mbrojtjes Ajrore rrëzuan dy raketa “Storm Shadow” të prodhimit britanik, gjashtë raketa reaktive “HIMARS” të prodhimit amerikan dhe 67 dronë”,- bëri të ditur ushtria ruse në një deklaratë.

Ministria ruse e Mbrojtjes nuk dha asnjë informacion për ndikime apo dëmtime.

Rusia bëri të ditur së fundi se do të merrte në shqyrtim përdorimin e armëve me rreze të gjatë veprimi si një përshkallëzim të konfliktit.