媒体---[méi tǐ]--- media
Të enjten, në Brazilia, u organizua ceremonia e nisjes së transmetimit të sezonit të tretë të programit të Grupit Mediatik të Kinës (CMG) "Citimet klasike të parapëlqyera të Xi Jinping-ut" në gjuhën portugeze. Nënpresidenti i Brazilit dhe ministër i Zhvillimit, Industrisë dhe Tregtisë Geraldo Alckmin mori pjesë në këtë aktivitet dhe mbajti një fjalim. Mbi 200 veta, si figura të njohura të politikës, ekonomisë, kulturës, medias, qarqeve akademike etj., të Brazilit ishin gjithashtu të pranishëm.
Foto nga CMG
Programi fokusohet në tema si begatia e përbashkët, mbrojtja ekologjike, trashëgimia kulturore e shumëllojshmëria e qytetërimeve, duke zgjedhur librat e lashtë kinezë dhe shprehjet klasike të cituara në fjalimet, artikujt dhe bisedat e rëndësishme të Xi Jinping-ut, për t'u tregtuar shikuesve bazën kulturore të modernizimit të stilit kinez.
Foto nga CMG
Kryetari i CMG-së Shen Haixiong, ministri i Marrëdhënieve Institucionale i Presidencës së Brazilit Alexandre Padilha, ministri i Çështjeve të Informacionit i Presidencës së Brazilit Paulo Pimenta, ministrja braziliane e Kulturës Margareth Menezes, ministrja ekzekutive e Ministrisë braziliane të Turizmit Ana Lopes, presidenti i Kompanisë Kombëtare të Medias Braziliane Jean Lima, mbajtën fjalime në këtë aktivitet dhe shpallën së bashku me të ftuarit nisjen zyrtare të transmetimit të këtij programi. Ambasadori i Brazilit në Kinë Marcos Galvão dhe ambasadori i Kinës në Brazil Zhu Qingqiao mbajtën videofjalime.
Nënpresidenti i Brazilit dhe ministër i Zhvillimit, Industrisë dhe Tregtisë Geraldo Alckmin/Foto nga CMG
Geraldo Alckmin shprehu urime për transmetimin e programit në mediat kryesore braziliane. Ai tha se Kina është një ndër partneret më të rëndësishme të bashkëpunimit të Brazilit. Në 50 vjetët e kaluara, marrëdhëniet e partneritetit të gjithanshëm strategjik kanë pasur me një prirje të mirë zhvillimi. Bashkëpunimi në fusha të ndryshme ka arritur rezultate të frytshme dhe thellimi i shkëmbimeve kulturore e njerëzore ka thelluar më tej miqësinë e dy popujve. Ai shprehu besimin që transmetimi i këtij programi në Brazil mund të shpërfaqë më mirë për brazilianët urtësinë e thellë të kulturës kineze dhe të tregojë më tej gjallërinë e zhvillimit të Kinës në epokën e re.
Kryetari i CMG-së Shen Haixiong/Foto nga CMG
Shen Haixiong tha në fjalimin e tij se Kina dhe Brazili janë të ndarë nga oqeani, por Oqeani Paqësor i gjerë nuk do të bllokojë procesin e shkëmbimeve miqësore midis dy popujve. Sot do të nisim së bashku transmetimin në Brazil të sezonit të tretë të programit të Grupit Mediatik të Kinës(CMG) "Citimet klasike të parapëlqyera të Xi Jinping-ut" në gjuhën portugeze, vuri në dukje ai, duke shtuar që kjo vepër tregon qartë gjerësinë dhe thellësinë e qytetërimit kinez dhe konceptet e zhvillimit të Kinës në epokën e re. Ajo do të hapë një dritare mendimi për popullin brazilian për të kuptuar kulturën dhe shpirtin kinez.
ministri i Marrëdhënieve Institucionale i Presidencës së Brazilit Alexandre Padilha/Foto nga CMG
Alexandre Padilha u shpreh se shkëmbimet kulturore janë një mënyrë e rëndësishme për të forcuar besimin dhe njohjen e ndërsjellë mes vendeve. Ky program i paraqet publikut brazilian mençurinë e presidentit kinez Xi Jinping në qeverisjen e vendit dhe gjerësinë e thellësinë e kulturës së shkëlqyer tradicionale kineze. “Ne presim thellimin dhe zgjerimin e mëtejshëm të shkëmbimeve dhe bashkëpunimit midis Brazilit dhe Kinës në fushën njerëzore e kulturore në të ardhmen,” tha ai.
Sezoni i tretë i programit të Grupit Mediatik të Kinës(CMG) "Citimet klasike të parapëlqyera të Xi Jinping-ut" në gjuhën portugeze do të transmetohet në Kompaninë Kombëtare të Medias Braziliane, Grupin Mediatik “Bandeirantes” të Brazilit, Televizionin SBT, Grupin Mediatik Brazilian “Box”, Televizionin e Ri Verilindor të Brazilit dhe mediat kryesore braziliane. Qysh nga 17 nëntori, gazeta më e madhe dhe me ndikim më të madh në Brazil, “Folha de São Paulo”, publikoi për dy ditë radhazi lajmin se programi do të transmetohet në Brazil. Mbi 50 media kryesore braziliane, si Televizioni SBT, Rrjeti i Lajmeve i Kongresit Brazilian, revista "Forum", revista "É isto" etj. publikuan njoftime përkatëse.
Qysh nga 19 nëntori, videoja promovuese e sezonit të tretë të programit të Grupit Mediatik të Kinës (CMG) "Citimet klasike të parapëlqyera të Xi Jinping-ut" në gjuhën portugeze po shfaqet në ekranet e mëdha në ndërtesat kryesore në Brazilia, kryeqytetin e Brazilit, dhe në ekranet e mëdha përgjatë rrugës nga Aeroporti Ndërkombëtar i Brazilias në qendër të qytetit. (Xu Guang)
