Foto nga VCG

Bashkimi Europian duhet të rishqyrtojë sanksionet kundër, Rusisë pasi ato po mbajnë çmimet e energjisë të larta, duke penguar konkurrencën ekonomike të bllokut, deklaroi kryeministri hungarez Viktor Orban.

Ai theksoi se duhet gjetur çdo mënyrë që të ulen çmimet e energjisë, citon “RTSH”.

Foto nga VCG

“Çmimet e energjisë duhet të ulen me të gjitha mënyrat. Kjo do të thotë se sanksionet duhet të rishikohen, sepse sipas politikës aktuale të sanksioneve, çmimet e energjisë nuk do të ulen”,- tha Orban.

Foto nga VCG

Ndërsa vendet në Evropën Perëndimore kanë bërë përpjekje serioze për të lehtësuar varësinë e tyre nga energjia ruse, Hungaria, pa dalje në det, merr 80-85% të gazit nga Rusia dhe rreth 80% të furnizimeve të naftës bruto.