Më 15 nëntor, sipas kohës lokale, Presidenti i Kinës Xi Jinping zhvilloi një takim me Presidentin e Koresë së Jugut Yun Seok-yue, gjatë Takimit Jozyrtar të Liderëve të APEK në Lima.
Gjatë takimit Xi Jinping vuri në dukje se që nga takimi në Bali dy vjet më parë, situata ndërkombëtare dhe rajonale ka pësuar shumë ndryshime.
Pavarësisht se si ndryshon situata, Kina dhe Koreja e Jugut duhet t'i përmbahen synimit fillestar për vendosjen e marrëdhënieve diplomatike, drejtimit të fqinjësisë së mirë, qëllimit për përfitime të ndërsjella dhe rezultate të favorshme. Dy vendet duhet t'i japin lojë të plotë avantazheve të afërsisë gjeografike, lidhjeve kulturore dhe integrimit ekonomik, forcimit të shkëmbimeve, thellimit të bashkëpunimit dhe promovimit të partneritetit strategjik Kinë-Kore e Jugut. Nga zhvillimi i shëndetshëm dhe i qëndrueshëm i marrëdhënieve do të përfitojnë më mirë të dy popujt dhe do të japin kontribut më të madh në promovimin e paqes dhe stabilitetit, zhvillimit dhe prosperitet rajonal.
Xi Jinping theksoi se të dyja palët duhet të forcojnë shkëmbimet e nivelit të lartë, të rrisin mirëkuptimin dhe besimin, të përpiqen të arrijnë sukses të ndërsjellë dhe zhvillim të përbashkët.
Foto nga VCG
Kina do të zgjerojë në mënyrë të palëkundur hapjen e nivelit të lartë ndaj botës së jashtme dhe mirëpret më shumë kompani koreane për të investuar dhe filluar biznesin në Kinë. Të dyja palët duhet të punojnë së bashku për të ruajtur sistemin ndërkombëtar të tregtisë së lirë, stabilitetin dhe qetësinë e zinxhirëve industrialë dhe të furnizimit global dhe rajonal, të zhvillojnë më shumë aktivitete që janë të favorshme për rritjen e miqësisë dypalëshe dhe të inkurajojnë median, akademinë, qeveritë lokale dhe veçanërisht të rinjtë për të forcuar shkëmbimet.
Ne mirëpresim më shumë koreanë që të vijnë në Kinë dhe shpresojmë që Koreja e Jugut do të nisë më shumë masa lehtësuese për qytetarët kinezë që të vizitojnë Korenë e Jugut. Kina përgëzon dhe mbështet Korenë e Jugut për marrjen si mikpritëse të APEK vitin e ardhshëm dhe është e gatshme të zgjerojë koordinimin dhe bashkëpunimin shumëpalësh me Korenë e Jugut.
Yoon Seok-yue tha se që kur u takua me Presidentin Xi Jinping në Bali dy vjet më parë, shkëmbimet dhe bashkëpunimi midis dy palëve në fusha të ndryshme janë zhvilluar në mënyrë të rregullt.
Kina është një motor i rëndësishëm i rritjes ekonomike botërore dhe ka dhënë kontribut të rëndësishëm në adresimin e problemeve me të cilat përballet bota.
Koreja e Jugut e konsideron Kinën si një partner të rëndësishëm bashkëpunues dhe shpreson të promovojë zhvillimin e vazhdueshëm të partneritetit strategjik bashkëpunues Kore e Jugut-Kinë në frymën e respektit të ndërsjellë dhe synimit origjinal të vendosjes së marrëdhënieve diplomatike, në mënyrë që t'i përgjigjet më mirë sfidave të përbashkëta dhe të promovojë paqen dhe stabilitetin e rajonit.
Koreja e Jugut respekton politikën e një Kine dhe nuk do të ndryshojë. Ajo shpreson të marrë pjesë në procesin e modernizimit të Kinës dhe të forcojë më tej bashkëpunimin ekonomik dhe tregtar midis dy vendeve. Ne mirëpresim trajtimin pa viza të Kinës për qytetarët koreanë dhe jemi të gatshëm të intensifikojmë shkëmbimet njerëzore dhe kulturore me Kinën, për të rritur miqësinë mes dy vendeve.
Koreja e Jugut është e gatshme të punojë ngushtë me Kinën, për të komunikuar dhe bashkëpunuar në mekanizma shumëpalësh si Bashkëpunimi Ekonomik Azi-Paqësor dhe për të mbrojtur bashkërisht multilateralizmin dhe tregtinë e lirë.
