Foto nga ATSH

Forcat Speciale shqiptare morën pjesë në stërvitjen “Wise Wolf-24” të zhvilluar në Maqedoninë e Veriut.

Ministria shqiptare e Mbrojtjes bëri të ditur se, në kuadër të bashkëpunimit rajonal për sigurinë, Forcat Speciale, së bashku me kolegët e tyre nga Greqia, Maqedonia e Veriut dhe Turqia, morën pjesë në një nga stërvitjet më intensive të trupave elitare, citon “ATSH”.

Gjatë “Wise Wolf-24” u praktikuan qitja, infiltrimi nga ajri dhe teknikat e luftimit në qendrat e banuara.

Kjo stërvitje është e lidhur ngushtë me kalendarin e aktiviteteve të përbashkëta që organizohen nga FA-ja me aleatët në rajon.