Panairi Ndërkombëtar i Librit për Fëmijë në Shangai

Panairi Ndërkombëtar i Librit për Fëmijë në Shangai do të mbahet nga 15-17 nëntor. 497 botues dhe ekspozues nga 32 vende dhe rajone do të shfaqin më shumë se 20.000 tituj të rinj të librave për fëmijë, shkruan “China Daily”.

Ky është panairi kryesor i fokusuar në botimin dhe përmbajtjen e librave për fëmijë për lexuesit e moshës 0-16 vjeç. Këtë vit panairi mendohet të presë rreth 45.000 vizitorë.

Hapësira e ekspozitës prej 25.000 metrash katrorë do të ndahet në Zonën e të Drejtave të Autorit dhe Zonën Hibride.

Zona e të Drejtave të Autorit është e hapur ekskluzivisht për profesionistët e industrisë, të përkushtuar për të lehtësuar tregtimin e të drejtave të autorit dhe bashkëpunimin ndërkombëtar për librat për fëmijë.

Zona Hibride, e cila integron funksionet e biznesit me shitjen me pakicë, do të hapet për profesionistët në 15 nëntor dhe për një audiencë më të gjerë nga 16-17 nëntor.