Xinhua

56 relikte kulturore të humbura kineze janë kthyer nga Italia, njoftoi të shtunën Administrata Kombëtare e Trashëgimisë Kulturore të Kinës.

Kthimi nënkupton një tjetër bashkëpunim të suksesshëm midis Kinës dhe Italisë në kuadrin e marrëveshjes dypalëshe, që synon parandalimin e importit dhe eksportit të paligjshëm të relikteve kulturore, vuri në dukje administrata, citon “Xinhua”.

Ai pason kthimin e mëparshëm të 796 relikeve kulturore kineze nga Italia në mars 2019. Në tetor 2022 dhe prill 2024, Policia Ushtarake e Karabinierëve italianë njoftoi Kinën për sekuestrimin e gjithsej 56 relikteve të dyshuara kulturore kineze. Me marrjen e këtij informacioni, Administrata Kombëtare e Trashëgimisë Kulturore të Kinës u dha autoriteteve italiane opinione të detajuara identifikimi dhe raporte bazë ligjore. Nëpërmjet kanaleve diplomatike, Kina kërkoi zyrtarisht kthimin e këtyre relikteve kulturore.

Italia më pas mori vendimin për të kthyer 56 artefaktet e lartpërmendura. Shumica e objekteve u zbuluan se ishin gjetur në provincat Gansu, Qinghai dhe Shaanxi në Kinë. Midis tyre është një qeramikë e pikturuar e kulturës Majiayao, një kulturë e lashtë kineze që daton mbi 5000 vjet më parë, duke ofruar prova të vlefshme materiale për studimin e origjinës dhe zhvillimit të hershëm të qytetërimit kinez.

Foto nga Xinhua

Artefaktet e kthyera përfshijnë gjithashtu figurina qeramike nga dinastitë Han (202 p.e.s.- 220) dhe Tang (618-907) dhe qeramika në formë kafshe nga dinastia Yuan (1271-1368).

Mes përpjekjeve të intensifikuara të Kinës për të rikuperuar reliktet kulturore të humbura jashtë shtetit, më shumë se 2100 pjesë ose grupe artefaktesh janë rikthyer me sukses në 12 vitet e fundit.