Votimi i diaspores (Foto Atsh)

Ministria e Brendshme do të ndihmojë diasporën shqiptare në Greqi për të mbështetur procesin zgjedhor 2025, kur për herë të parë votojnë edhe shqiptarët jashtë vendit.

Ministria e Brendshme konfirmoi se në datat 12-13 nëntor përfaqësues të shoqërisë “IdentiTek”, që siguron shërbimet e identifikimit biometrik, do të vizitojnë Ambasadën shqiptare në Athinë, bën të ditur “ATSH”.

Kjo vizitë synon rritjen e kapaciteteve operacionale dhe lehtësimin e procesit të aplikimit të shtetasve shqiptarë për mjete identifikimi.

Ministria e Brendshme iu bën apel qytetarëve shqiptarë jashtë vendit që të sigurohen që dokumentet e identifikimit të jenë të vlefshme për votim.