foto: OraNews

Kabineti i Gjermanisë miratoi legjislacionin që prezanton një formë të re të shërbimit ushtarak, sipas burimeve qeveritare.

Legjislacioni, i paraqitur nga ministri i Mbrojtjes Boris Pistorius, rivendos një regjistër ushtarak ku të rinjtë duhet t’i bashkohen ushtrisë kur të mbushin 18 vjeç, duke deklaruar vullnetin dhe aftësinë e tyre për të kryer shërbimin ushtarak.

Sipas legjislacionit, gratë mund të zgjedhin të plotësojnë pyetësorin dixhital, shkruan “ATSH”.

“Ligji për shërbimin e ri ushtarak na mundëson të riinstalojmë regjistrimin ushtarak që nuk ekziston më qëkur shërbimi bazë i detyrueshëm ushtarak u hoq në vitin 2011. Nëse nesër do të krijohej një gjendje e mbrojtjes, ne nuk do të dinim kë mund të rekrutonim sepse nuk ka asnjë bazë të dhënash”,- tha Pistorius përpara vendimit.