foto Xinhua

Kina synon të nxisë ekonominë e saj të akullit dhe dëborës si një pikë e re rritjeje, me qëllim që kjo ekonomi të arrijë një vëllim prej 1.2 trilionë juanësh (rreth 169 miliardë dollarë amerikanë) deri më 2027, sipas udhëzimeve nga Zyra e Përgjithshme e Këshillit të Shtetit. 

Deri në vitin 2027, strukturat për sportet e akullit dhe dëborës do të jenë më të plota, niveli i shërbimit do të përmirësohet ndjeshëm, sportet e akullit dhe dëborës do të praktikohen më gjerësisht dhe konkurrueshmëria ndërkombëtare e Kinës në këto sporte do të forcohet më tej, sipas udhëzimeve të nxjerra të mërkurën.

Deri më 2030, roli i ekonomisë së akullit dhe dëborës në shtimin e punësimit dhe nxitjen e zhvillimit me cilësi të lartë do të bëhet më i dukshëm dhe konsumi në këtë sektor do të bëhet një pikë e rëndësishme rritjeje për zgjerimin e kërkesës së brendshme. 

Vëllimi i ekonomisë së akullit dhe dëborës pritet të arrijë 1.5 trilionë juanë deri më 2030, thuhet në udhëzime. 

Në vitet e ardhshme, Kina do të zbatojë një sërë masash për të nxitur zhvillimin e ekonomisë së akullit dhe dëborës, duke përfshirë ndërmjet të tjerave nxitjen e sporteve të akullit dhe dëborës, përmirësimin e infrastrukturës e të shërbimeve mbështetëse, kultivimin e subjekteve të biznesit në këtë sektor dhe thellimin e bashkëpunimit ndërkombëtar.