Foto nga VCG

Presidenti ukrainas, Volodymyr Zelensky, njoftoi rritjen e dërgesave të armëve nga aleatët perëndimorë, në një takim me figurat kryesore ushtarake.

Përmes një mesazhi në rrjetet sociale, ai tha se rezultatet në lidhje me dërgesat për artilerinë janë përmirësuar. Sipas tij, kjo do të thotë se partnerët e Ukrainës janë afruar më shumë me premtimet që kanë bërë, shkruan “ATSH”.

Javën e kaluar, presidenti Zelensky u ankua se Ukraina kishte marrë vetëm rreth 10% të ndihmës së miratuar nga Kongresi amerikan.

Tema e zgjerimit të prodhimit të dronëve ukrainas u ngrit gjithashtu, veçanërisht në lidhje me dronët me rreze të gjatë veprimi.

Ukraina është mbrojtur kundër agresionit rus me ndihmën perëndimore për më shumë se dy vjet e gjysmë.

Të dyja palët po përdorin gjerësisht dronët luftarakë kundër objektivave në brendësi të armikut.