Foto nga VCG

Bombarduesit amerikanë B-52 kanë mbërritur në Lindjen e Mesme, njoftuan  të shtunën forcat e armatosura amerikane, një ditë pasi Pentagoni lajmëroi se do të vendoste më shumë mjete ushtarake për “mbrojtjen e Izraelit ” si një paralajmërim për Iranin, shkruan panorama.al.

“Bombarduesit strategjikë B-52 kanë mbërritur në zonën e përgjegjësisë së CENTCOM”, sipas një postimi të komandës së ushtrisë amerikane për Lindjen e Mesme.

Pentagoni njoftoi  vendosjen e pashmangshme të forcave shtesë në rajon, me një horizont të “muajve të ardhshëm”, për “mbrojtjen e Izraelit” dhe si një paralajmërim për Iranin, një armik i betuar i shtetit hebre dhe një dele e zezë për Uashingtonin.