Foto nga ATSH

Ministrja e Bujqësisë dhe Zhvillimit Rural, Anila Denaj, në një postim në rrjetet sociale, theksoi angazhimin për të promovuar praktika të avancuara bujqësore që rrisin cilësinë dhe përmbushin standardet më të larta ndërkombëtare në kultivimin e luleshtrydhes, shkruan “ATSH”.

Sipas saj, specialistët e Qendrës së Transferimit të Teknologjive Bujqësore (QTTB) janë angazhuar në një projekt të rëndësishëm për zhvillimin e kultivimit të luleshtrydhes në Frakull të Fierit, në një sipërfaqe prej 15 hektarësh.

“Projekti synon vlerësimin e ndikimit të plehërimit në rendimentin dhe treguesit cilësorë të luleshtrydhes, si dhe testimin e biostimulantëve inovativë në kultivimin e saj në serra. Ky angazhim është pjesë e përpjekjeve për të promovuar praktika të avancuara bujqësore që rrisin cilësinë dhe përmbushin standardet më të larta ndërkombëtare”,- deklaroi ministrja Denaj.