Foto nga VCG

Ministria e Burimeve Ujore në Kinë aktivizoi një reagim emergjent të nivelit IV ndaj përmbytjeve në rajonet e nivelit provincial të Shangait, Jiangsu, Zhejiang dhe Fujian, për shkak të tajfunit “Kong-rey”, i cili parashikohet të lëvizë në veri dhe më pas në verilindje me një shpejtësi të vlerësuar prej 17 deri në 24 km në orë, me erëra deri në 184 km në orë pranë qendrës, bëri të ditur Agjencia Meteorologjike, citon “Xinhua”.

Qendra Kombëtare Meteorologjike rinovoi një alarm të verdhë për stuhi dhe reshje të dendura shiu.

Rrebeshe të forta priten në disa zona të Fujian, Zhejiang, Shangai, Jiangsu dhe Tajvan. Disa zona në Zhejiang, Shangai dhe Tajvan do të kenë reshje që arrijnë deri në 450 mm, sipas qendrës.

Ministria ka dërguar dy grupe pune në Shangai dhe Zhejiang për të udhëhequr punën e kontrollit të përmbytjeve.

Kina ka një sistem me katër nivele të reagimit ndaj emergjencave, me nivelin I që është përgjigjja më e ashpër dhe një sistem me katër nivele të koduar me ngjyra të paralajmërimit të motit, ku e kuqja përfaqëson nivelin më të rëndë, e ndjekur nga portokallia, e verdha dhe bluja.