Foto nga VCG

Shumica e lokaliteteve kineze, duke përfshirë 27 rajone të nivelit provincial në pjesën kontinentale, kanë shtuar shërbimet e riprodhimit të asistuar në rimbursimet e sigurimit mjekësor, njoftoi Administrata Kombëtare e Sigurisë Shëndetësore, citon “Xinhua”.

Katër krahinat e mbetura në Kinën kontinentale kanë njoftuar gjithashtu masa të përshpejtuara për të kapur çështjen.

Riprodhimi i asistuar normalisht i referohet përdorimit të teknologjive të tilla si inseminimi artificial dhe fekondimi me epruvetë, për të ndihmuar çiftet që duan të kenë fëmijë.

Më 28 tetor, Këshilli i Shtetit në Kinë nxori një direktivë që përshkruan 13 masa të synuara për të përmirësuar shërbimet mbështetëse të lindjes, për të zgjeruar sistemet e kujdesit për fëmijët, për të forcuar mbështetjen në arsim, strehim dhe punësim, si dhe për të nxitur një atmosferë sociale miqësore për lindjen.