Foto nga VCG

Riddara Automobile (Tajlandë), një degë e prodhuesit kinez të makinave Geely, lançoi të martën kamionçinën e parë elektrike në Tajlandë, në një përpjekje për të zgjeruar praninë në vendin e Azisë Juglindore.

Riddara RD6 me katër variante, përmban një kombinim të aftësive të kamionçinave për t'u përshtatur me kushtet e ndryshme të rrugës dhe përvojën e qetë të drejtimit të një SUV. Ai kërkon gjithashtu kosto më të ulëta mirëmbajtjeje dhe energjie, krahasuar me kamionët tradicionalë me motor me djegie, gjë që e bën një konkurrent të fortë në segmentin e kamionëve.

Foto nga pcauto.com.cn

Ling Shiquan, CEO i Riddara, tha se masa erdhi pas suksesit të Riddara për t'u bërë marka numër një e kamionçinës elektrike në Kinë, me një pjesë tregu prej 60% në 2023, duke synuar të transformojë perceptimet e kamionëve në Tajlandë, ku segmenti mbetet vendimtar dhe përballet me kërkesa të ndryshme. 

Sipas Federatës së Industrive Tajlandeze, shitjet e kamionëve në vendin e Azisë Juglindore arritën në 126,560 njësi në nëntë muajt e parë të 2024, duke përbërë gati një të tretën e shitjeve të brendshme të automjeteve të vendit, të cilat arritën në 438,659 njësi.

Duke folur në event, Prasert Jantararuangtong, zv/Kryeministër i Tajlandës dhe Ministër i Ekonomisë dhe Shoqërisë Dixhitale, theksoi rëndësinë e prezantimit të kamionit të parë elektrik në Tajlandë, i cili shënon një hap të rëndësishëm për industrinë e makinave tajlandeze në epokën e re dhe forcon pozicionin si një vend lider, gati për të mbështetur automjetet me energji të re, miqësore me mjedisin. 

Foto nga VCG

Tajlanda ka qenë prej kohësh një qendër rajonale e prodhimit dhe eksportit të automjeteve. Me përpjekjet e qeverisë për nxitjen e investimeve, vendi synon të shndërrojë 30% të prodhimit vjetor të automjeteve në automjete elektrike deri në vitin 2030.